“Манчестер Юнайтед” 18 ёшли футболчини сотиб олишга тайёр
Футболчига яна бошқа клублар ҳам қизиқиш билдирган.
Бельгиялик “Антверпен” ярим ҳимоячиси Артур Вермерен Англия Премьер-лигасининг бир қанча клублари, жумладан, “Манчестер Юнайтед” ва “Нюкасл”нинг нишонида бўлиб турибди. Бу ҳақда “Даилй Маил” нашри хабар бермоқда.
Аввалроқ, “Антверпен” клуби бош мураббийи Марк ван Боммел 18 ёшли футболчининг Бельгия терма жамоасида келажаги катта эканлиги ҳақида фикр билдирганди. Вермерен ҳали катталар жамоасида дебют қилгани йўқ, бироқ Бельгия У-18 терма жамоасида аллақачон учта ўйин ўтказган.
Артур Вермирен жорий мавсумда барча мусобақаларда 23 та ўйинда майдонга тушиб, битта гол урган. Томонлар ўртасидаги келишув 2026 йилда якунига етади. Бельгиялик футболчининг трансфери 23 миллион еврога баҳоланган.
