Туркияда Россия ва Украина футболчилари ўртасида оммавий муштлашув бўлди
Улар битта меҳмонхонада тургани айтилмоқда.
Туркия меҳмонхоналаридан бирида Украинанинг “Минай” ва Россиянинг “Шинник” футбол клублари ўйинчилари оммавий муштлашди. Уларнинг барчаси Анталиядаги Royal Seginus отелида яшаган.
Тўқнашув 13 февралда бошланган. Украин клубининг 4 аъзоси меҳмонхона ҳовлисида турган россиялик футболчи ёнига келган ва ундан Украина мадҳиясини куйлашни талаб қилган. ўз навбатида россиялик кўчага чиқишни ва “яккама-якка гаплашиб олиш”ни таклиф қилган. аммо ўша куни низога меҳмонхона ходимлари аралашган.
Бир қанча вақтдан кейин ўйинчилар лифтда урушиб кетади. Аммо лифт якунда Россия ўйинчилари турган қаватга келади. Шундан кейин оммавий муштлашув бошланиб кетган. Меҳмонхонага “Тез ёрдам” ва полиция ходимларини чақиришга тўғри келди. Ҳозирда полиция бу ерда доимий равишда навбатчилик қилмоқда.
Клубларнинг расмий сайтларида бу ҳақда ҳеч нарса дейилмаган. Аммо уларнинг Туркияда эканлиги тасдиқланган.
