FIFА'нинг уч йилдаги даромади рекорд даражада ўсди
Бу миқдор 7,6 миллиард долларни ташкил этмоқда.
Халқаро футбол федерациясининг (FIFА) 2019-2022 йиллардаги даромади рекорд даражани яъни 7,6 миллиард долларни ташкил қилди. Бу ҳақда ташкилот расмий сайтида маълумот берилди.
FIFА кенгаши 2022 йилги йиллик ҳисоботни маъқуллади, унда 2019-2022 йиллар давомида рекорд даражадаги даромад қайд этилган. 2023-2026 йилларда даромад 11 миллиард долларни ташкил этиши режалаштирилмоқда.
“FIFА'нинг футболга мисли кўрилмаган сармояси бизнинг кучли молиявий шаффофлигимиз натижасидир ва биз футболни чинакам глобал миқёсга олиб чиқишга интилаётганимизнинг аниқ намунасидир. Қатарда бўлиб ўтган жаҳон чемпионатининг ажойиб муваффақиятли ўтгани ташкилотнинг ўз миссиясини аъзо ассоциацияларимиз ва футбол олами учун амалга ошириш қобилиятининг калити бўлди”, — дея FIFА президенти бунга ўз муносабатини билдирган.
