“Йўлбарс қасоси”: Ҳиндистонда бобо ва набира йўлбарс қурбонига айланди
Ҳозирда йиртқични ушлашга ҳаракат қилишмоқда.
Ҳиндистонда йўлбарс 18 ёшли йигитни ўлдирди. Унинг дафн маросимига келган бобоси ҳам йиртқич қурбонига айланган.
Ҳолат Карнатака штатида юз берган. Четхан исмли йигит якшанба куни кофе плантациясида йўлбарс томонидан ўлдирилган. Плантация ёнида Нагарахол миллий парки жойлашган. Четхан йиртқич олдидан қочишга улгурмаган.
Унинг бобоси ўша куни кечқурун набирасининг дафн маросимига келган. Душанба куни уйдан чиққанда қария йўлбарс ҳужумига учраб, ҳалок бўлган.
Ушбу ҳолатлардан кейин ҳудудга махсус гуруҳ етиб келган. Ҳозирда Ўрмон хўжалиги департаменти ходимлари йиртқични ушлашга тайёрланмоқда.
