“Барселона” Ла Лигадан четлатилиши мумкин
Клуб ҳакамларга пора берганликда айбланмоқда.
“Болавип” нашрининг сўзларига кўра, агар прокуратура жамоа ҳакамларга пора берганини исботласа, “Барселона”га қандай санкциялар қўлланилиши мумкинлиги маълум бўлди.
Манбага кўра, агар клуб айбдор деб топилса, у ҳолда Испания чемпионатидаги очколаридан олиб қўйилиши ёки Ла Лигадан четлатилиши мумкин.
Олдинроқ ОАВда Барселона Испания Қироллик футбол федерацияси ҳакамлар техник қўмитаси собиқ вице-президенти Хосе Мария Энрикес Негреирага пул тўлагани ҳақида хабарлар тарқалган эди. 2016-2018 йиллар оралиғида Каталония клуби ҳакамлар қўмитасининг собиқ раҳбарига тегишли бўлган “ДАСНИЛ 95”га 1,4 млн евро тўлагани гумон қилинмоқда.
Эслатиб ўтамиз, аввалроқ молиявий қаллобликлар туфайли Италия чемпионатида “Ювентус”дан 15 очко олиб ташланган эди. 2006 йилда жамоа келишилган ўйинлар учун Б церийага тушиб кетганди.
