Дани Алвесни жуда қаттиқ жазо кутмоқда
Футболчининг бизнеслари ҳам тўхтаб қолди.
Футболчи Дани Алвес ҳозирда Барселонадаги тунги клубда бир қизни зўрлаганликда гумонланиб, Испания қамоқхонасида сақланмоқда. У 4 йилдан 12 йилгача озодликдан маҳрум этилиши мумкин. Вақт ўтиши билан Алвес иши бўйича ҳукм жуда ҳам оғирлашаётганини кўришимиз мумкин.
Тергов жараёнида бразилиялик футболчига қарши бир қанча тафсилотлар пайдо бўлди. Данининг ўзи аллақачон уч марта гувоҳларини ўзгартирган, бу унинг учун вазиятни янада оғирлаштиради. Бунга параллель равишда унинг шахсий ҳаёти ва бизнесида катта салбий ўзгаришлар бўлмоқда.
Суд-тиббий экспертизаси Алвеснинг айбини тасдиқлади
Суд-тиббиёт экспертлари даъво қилинган зўрлашдан сўнг олинган бир нечта ДНК намуналарини таҳлил қилишди. Полиция тунги клуб ҳожатхонасини кўздан кечирди ва 20 январь куни Дани Алвес ўз ихтиёри билан топширган материалга қиёсланган биологик материал қолдиқларини, шунингдек, жароҳатланган 23 ёшли қизнинг либоси ва унинг танасида топилган нарсаларни топди. Каталониянинг йирик ахборот агентлиги “Эл Периóдиcо” нашрининг хабар беришича, далиллар таҳлили барча ҳолатларда бир кишига яъни Алвесга тегишли эканлигини кўрсатди.
Маълумотлар қиз Алвес томонидан зўрланганини тасдиқлади. Аввалига Дани Алвес бу қизни умуман танимаслигини айтди. Кейинчалик футболчи уни клубда кўргани ҳақида гапирди. Айни вақтда эса бразилиялик футболчининг адвокатлари унинг жиноятини енгиллаштиришга ҳаракат қилишмоқда.
Алвес гаровсиз ҳибсга олинган. Муқобил вариант сифатида Данининг адвокатлари футболчини уй қамоғига чиқаришни таклиф қилишган, бироқ бу илтимос ҳам қондирилмаган. Прокуратура судга бразилиялик футболчига ҳар қандай имтиёзларга қарши даъво аризасини тақдим этган. Ишнинг янги тафсилотлари Алвеснинг фойдасига ишламаслиги турган гап. Ҳукм ҳали эълон қилингани йўқ, аммо футболчини жуда қаттиқ жазо кутмоқда.
Алвеснинг ҳаёти бутунлай издан чиқди
Алвес қамоқхонада анча қулай ва имтиёзли шароитларда сақланмоқда, аммо бу уни жуда хурсанд қилиши даргумон. “Барселона”, “ПСЖ” ва “Ювентус”нинг собиқ футболчисининг ҳаёти барбод бўлмоқда.
“Эл Cонфиденcиал” нашри расмий ҳужжатларни эълон қилди, унга кўра Алвес Испанияда солиқлардан 2,25 миллион евро қарздор. Ҳокимият унинг Барселонадаги уйининг улушларини тортиб олган. Бу ҳуқуқларининг 50 фоизи Алвеснинг собиқ рафиқасига тегишли.
Бундан ташқари Алвеснинг бешта компаниясидан учтаси 2019-2021 йилларда тугатилган. Алвеснинг молиявий аҳволига унинг ҳибсга олинишидан сўнг бир қатор ҳомийлар билан ҳамкорлик тўхтатилгани катта таъсир кўрсатди.
Данининг сўнгги клуби мексиканинг Пумас клуби ҳам футболчи билан шартномани бекор қилди. Алвес келишув шартларини бузилгани учун 5 миллион доллар миқдорида товон пули талаб қилмоқда. Мексикаликлар шартномада допинг билан боғлиқ муаммолар ва мамлакат қонунчилигига кўра жиноят ҳисобланган бир қанча хатти-ҳаракатларни келтирмоқда. Клуб Алвеснинг ишини учинчи тоифага киради деб ҳисобламоқда.
Дани Алвеснинг адвокатлари ҳар қандай ҳолатда ҳам футболчининг айбларини яширишга ҳаракат қилмоқда. Испаниянинг “Ла Разон” нашри унинг ҳимояси учун энг муҳим нуқталардан бири. Дани ўз рафиқаси, испаниялик модель Жоана Санс билан суд жараёни ва ҳукм ўқилиши тугагунига қадар ажрашмасмайди.
ОАВнинг ёзишича, Санснинг Алвес ҳимоячилари билан келишуви бор. Адвокатлар Жоана унга ишонишини кўрсатишни жуда муҳим деб ҳисоблайди.
“Мен уни ҳаётининг энг ёмон дақиқаларида тарк этмайман”, — деган Санс журналистларга.
Санс эрига ёрдам беришга рози бўлди ва ҳатто уни кўргани қамоқхонага борган. Аммо эр-хотинлар ўртасидаги муносабатлар бузилган. Қамоқхонага ташрифи чоғида Жоана Алвес билан 30 декабрь куни Суттон тунги клубида рўй берган воқеа ҳақида гаплашган. “Ла Разан” нашрининг ёзишича учрашувда суд ҳукмидан кейин ажралиш шартлари ҳам муҳокама қилинган.
Санс Алвеснинг ижтимоий тармоқлардаги барча суратларини олиб ташлади. Жоан зарурат туғилганда Данига кўп жиҳатдан ёрдам беради, чунки суд жараёнининг натижаси унинг ҳаётига ҳам таъсир қилади. Алвеснинг узоқ муддатга қамалгандан кўра оқлангани Санснинг имиджига ижобий таъсир кўрсатади.
Футболчининг собиқ рафиқаси Динора Сантана ҳам уни қўллаб-қувватлаган. Дани ва Сантананинг Виктория исмли қизи ва Даниел исмли ўғли бор. Бироқ, айни вақтда Алвеснинг нафақат оилавий муҳити ва бутун ҳаёти бузилиш арафасида турибди.
