Неймарнинг вакиллари “Челси” хўжайини билан учрашди
Футболчининг Париждан кетиши ойдинлашмоқда.
Лондоннинг “Челси” клуби хўжайини Тодд Боули Франциянинг “ПСЖ” клубининг бразилиялик юлдуз ҳужумчиси Неймарнинг вакиллари билан учрашув ўтказди. Бу ҳақда “Фоотмерcато” нашри хабар бермоқда.
Манба берган хабарга кўра, йиғилишда Неймарнинг “Челси”га ўтиши мумкин бўлган трансфер масаласи муҳокама қилинган. Боули Неймар вакилларига Лондон жамоаси лойиҳасини тақдим этган. Неймар ё “ПСЖ” билан шартномани бекор қилиши ёки товон пули учун “Челси”га ўтиши мумкин.
“ПСЖ” клубга кўпроқ муаммо туғдираётган Неймардан қутулмоқчи. Шунингдек, парижликлар жамоаси бразилиялик футболчи кетган тақдирда маош қисқартирилишига умид қилмоқда, бу эса парижликларга молиявий фейр-плей билан боғлиқ муаммолардан қочишга ёрдам беради.
