“Челси” раҳбарияти Поттерга ишонади
Клуб кетма-кет мағлубият аламини тотиб кўрмоқда.
“Челси” Грем Поттерни бош мураббий лавозимидан бўшатиш ниятида эмас. Бу ҳақда “Даилй Телеграпҳ” нашри хабар берди.
Лондон клуби директорлар кенгашининг Поттер борасидаги позицияси ўзгармади. Англия премьер-лигаси доирасидаги “Саутгемптон” билан уй учрашувидаги мағлубиятдан (0:1) кейин ҳам уни қўллаб-қувватламоқда. Матбуот анжуманида мураббий ушбу ўйиндаги натижада айбни ўз зиммасига олди.
"Челси" бу мавсумда АПЛда 10-ўринни эгаллаб турибди. Навбатдаги лига учрашувида “аристократлар” меҳмонда “Тоттенҳем” билан куч синашади. 7 март куни “Челси” Дортмунднинг “Боруссия” жамоаси билан Чемпионлар лигаси 1/8 финал жавоб учрашувини ўтказади. Биринчи ўйинда “Челси” минимал ҳисобда мағлуб бўлган.
