Алексис Санчес “Галатасарой”нинг таклифини рад этди
У Францияда қолади.
Чилилик ҳужумчи Алексис Санчес Туркиянинг “Галатасарой” клубига ўтишдан бош тортди. Бу ҳақда “Телефоот” нашри хабар берди.
Манбага кўра, турк футболи гиганти чилилик юлдузга йилига 4 миллион евро маош билан шартнома таклиф қилган, бироқ Санчес “Марсел”га ўтишни афзал кўрган.
“Алексис Санчес учун молиявий томони ҳеч қачон биринчи ўринда бўлмаган. У биз билан шартнома имзолаш учун жуда катта таклифларни рад этди”, — деган “Марсел” спорт директори Хавер Рибалта.
34 ёшли Санчес “Марсел”га 2022 йилнинг ёзида “Интер”дан текинга ўтганди. Жорий мавсумда чилилик провансликлар сафида 29 та ўйинда майдонга тушиб, 13 та гол урган ва битта голли узатмани амалга оширган.
