Бензема “Реал” машғулотларига қайтди
Клубда бошқа йўқотишлар бор.
Мадриднинг “Реал” клуби ҳужумчиси Карим Бензема Чемпионлар лигаси 1/8 финалининг биринчи ўйинида “Ливерпул”га қарши баҳсда иштирок этади.
19 февраль куни ҳужумчи жамоанинг умумий гуруҳида машғулот ўтказди. Бу ҳақда “Мундо Депортиво” нашри хабар берди. Ҳимоячи Ферланд Менди ҳам машғулотларга чекловларсиз қайтган, аввалроқ сонидан жароҳат олганди.
Ярим ҳимоячилар Тони Кроос ва Аурелиен Тчуамени бетоблиги сабабли машғулотларда иштирок этишмади. Уларнинг “Ливерпул” билан ўйиндаги иштироки ҳамон сўроқ остида.
Аввалроқ, Бензема Ла Лига доирасидаги “Осасуна”га (2:0) қарши ўйинни жароҳат туфайли ўтказиб юборганди. Катта эҳтимол билан француз футболчиси Чемпионлар лигасининг 1/8 финали ўйинида қатнашади.
Мадриднинг “Реал” клуби 21 февраль куни “Энфилд”да “Ливерпул” билан Чемпионлар лигаси 1/8 финалидаги илк ўйинини ўтказади. Жавоб ўйини 15 март куни “Сантяго Бернабеу”да бўлиб ўтади.
