Бразилия даҳшатли тошқин гирдобида
Офат қурбонлари сони ортиб бормоқда.
Бразилиянинг Сан-Паулу штатига ёғингарчилик келтирган тропик циклон қурбонлари сони 36 кишига етди.
Ўтган кун давомида минтақада ёмғирнинг ойлик миқдори ёғди. Бу эса кўплаб сув тошқинлари ва кўчкиларга, турар-жой бинолари ҳамда инфратузилмаларнинг вайрон бўлишига олиб келди. Маҳаллий ҳокимият маълумотларига кўра, ўнлаб одамлар вайроналар остида қолмоқда.
Табиий офатдан жабр кўрган бешта муниципалитетда фавқулодда ҳолат эълон қилинган. Кўпгина ҳудудлар сув ва электр таъминотидан узилиб қолган, уяли алоқа ишламаяпти.
Ҳодиса муносабати билан маҳаллий ҳокимият карнавални нишонлашга бағишланган барча кўнгилочар тадбирларни бекор қилди. Президент Луис Инациу Лула да Сильва табиий офат оқибатларини бартараф этишда ёрдам беришга ваъда берди.
