Германия мудофаа вазири: Кейинги бир неча ой Украина учун ҳал қилувчи бўлади
Борис Писториус ишончи ҳаво ҳужумига қарши мудофаа тизимини яратиш зарурлигини айтди.
Кейинги ҳафталар ва ойлар Украина учун ҳал қилувчи бўлади, аммо бу низонинг якунини белгилаб бермайди. Бу ҳақда Германия мудофаа вазири Борис Писториус маълум қилди.
Унинг сўзларига кўра, Украина учун биринчи навбатда ишончли ва мустаҳкам ҳаво ҳужумига қарши мудофаа тизимини яратиш керак.
“Бир неча ой олдин генерал Марк Милли Рамштайнда устувор вазифа ҳаво ҳужумига қарши мудофаа тизимини ишлаб чиқиш эканини айтганди. Шунинг учун кейинги бир неча ой муҳим бўлади”, — деган у.
Украина президенти Владимир Зеленский Мюнхен конференциясидаги чиқишида Киевга тезроқ янги қуроллар етказиб беришга чақирганди.
