“Арсенал” Элнени билан шартномани узайтирди
Футболчи жамоадаги муҳит ажойиб эканлигини айтган.
“Арсенал” мисрлик ярим ҳимоячи Муҳаммад Элнени билан шартномани узайтирганини эълон қилди. Бу ҳақда клуб расмий сайти хабар берди. 30 ёшли мисрлик футболчининг янги меҳнат шартномаси 2023/2024 йилги мавсум охиригача мўлжалланган.
“2016 йилдан буён бу ажойиб клуб вакили эканлигимдан фахрланаман. Ҳозир жамоамизда ҳукм сураётган бирдамлик шу қадар ижобийки, шартномани узайтирганимдан жуда хурсандман”, — деди Элнени.
