Дибала ҳам жазодан четда қолмайди
У бир ойга дисквалификация қилиниши мумкин.
“Рома” ҳужумчиси Пауло Дибала “Ювентус” билан 3 миллион евродан ортиқ маош бўйича яширин келишувга эришгани учун бир ойга дисквалификация қилиниши мумкин. Бу ҳақда “Ла Репубблиcа” нашри хабар берди. Бугун полиция ушбу иш бўйича футболчини сўроққа тутди.
Қайд этилишича, Италия прокуратураси “Ювентус” томонидан 2020 йилда коронавирус пандемияси даврида футболчиларнинг маошини камайтириш учун молиявий фирибгарлик содир этгани бўйича терговни давом эттирмоқда. Тергов маълумотларига кўра, Турин клуби дастлаб маълум қилганидек, Дибала ўша даврда маошдан бош тортмаган, аммо тўловни кечиктиришга рози бўлган ва кейинчалик 1,9 миллион евро миқдоридаги иккита тўлов шаклида керакли пулни олган.
Италиянинг Спорт адолати кодексига кўра, клубларга бу тарзда товон пули тўлаш тақиқланади.
