FIFА Месси, Мбаппе ва Бенземани муҳим тадбирга чақирди
Ташкилот “The best” маросимини ташкиллаштирмоқда.
FIFА йилнинг энг яхши футболчиси соврини соҳиби номини сир тутмоқда.
Совринга Лионел Месси (“ПСЖ”, Аргентина ), Килиан Мбаппе (“ПСЖ”, Франция) ва Карим Бензема (“Реал”, Франция) даъвогарлик қилмоқда.
"Мундо Депортиво" нашрининг Париждаги мухбири Дани Гил хабарига кўра, FIFА совринни ким қўлга киритишини ҳозирча футболчиларга айтмаган. Ташкилот Месси, Мбаппе ва Бенземани соврин топшириш маросимига келишларини сўради.
Ғолиб 27 февраль куни Парижда бўлиб ўтадиган тантанали маросимда эълон қилинади.
FIFА томонидан 2021 йилнинг энг яхши футболчиси соврини Роберт Левандовскига насиб этганди.
