“Ал-Наср” трансфер борасида Рамос билан боғланди
Ҳимоячининг “ПСЖ” билан шартномаси ёзда тугайди.
“Ал-Наср” Криштиану Роналду трансферидан кейин яна бир юлдуз билан шартнома имзоламоқчи.
Саудия Арабистони клуби раҳбарияти “ПСЖ” ҳимоячисининг атрофидагилар билан боғланиб, уни сотиб олиш истаги борлигини маълум қилди. Бу ҳақда “Марcа” нашри хабар берди.
“Реал Мадрид” ва Испания терма жамоасининг собиқ сардори “ПСЖ”да ўзини қулай ҳис қилмоқда, бироқ унинг Париж клуби билан шартномаси ёзда тугайди.
Олдинроқ “Ал-Наср” “Реал” ярим ҳимоячиси Лука Модрични ўз сафига қўшиб олмоқчи эканлиги, бироқ рад жавоби берилгани ҳақида хабар берилганди.
