Усмон Дембеле ўз клубига 100 минг евро хайрия қилди
Унга клуб президенти миннатдорчилик билдирди.
“Барселона” ҳужумчиси Усмон Дембеле ўзи талаба бўлган “Евре 27” клубига тахминан 100 минг евро хайрия қилди. Франция жамоаси молиявий қийинчиликларни бошидан кечирмоқда.
“Евре 27” президенти Самуэл Бригантино ва Ги Лефранс Усмон Дембелега бундай қийин даврда клубга кўрсатган сахийлиги ва молиявий ёрдами учун миннатдорчилик билдирди.
“Дембеле ҳар доим жамоамизни қўллаб-қувватлаб келган ва бугунги кунда унинг ёрдами билан 700 нафар тарбияланувчига янада яхши шароит яратиш ва уларни ўз йўлида йўналтириш имконини беради. Бу эса Усмон ўз она клубини ҳеч қачон унутмаганини кўрсатади. Футболчи ва унинг яқинларига чексиз миннатдормиз. Яна бир бор меҳрибонлигингиз учун раҳмат”, — дейилади клуб матбуот хизмати хабарида.
