Неймар “Бавария”га қарши ўйинда қатнашмайди
Буни бош мураббий тасдиқлади.
Франциянинг “ПСЖ” клуби бош мураббийи Кристоф Галтиер бразилиялик ҳужумчи Неймар “Бавария”га қарши ЕЧЛ 1/8 финал жавоб ўйинида иштирок эта олмаслигини тасдиқлади.
“Неймар ўзини қандай ҳис қилмоқда ва унинг “Бавария” билан ўйнаш имконияти борми? У жароҳат олган, менимча, у “Бавария” билан ўйинни ўтказиб юборади”, — дея Галтиернинг сўзларидан “Ле Парисиен” нашри иқтибос келтирди.
Парижда бўлиб ўтган “ПСЖ” – “Бавария” ўртасидаги биринчи учрашувда мюнхенликлар минимал 1:0 ҳисобида ғалаба қозонган эди. Ягона голга Кингсли Коман муаллифлик қилди. Жавоб ўйини келаси ҳафта Мюнхенда бўлиб ўтади.
