“Ҳамма жавобгарликни ўз бўйнига олиши шарт”
Ван Дейк “Манчестер Юнайтед”га қарши ўйин ҳақида гапирди.
“Ливерпул” ҳимоячиси Виржил Ван Дейк “Манчестер Юнайтед”га қарши ўйин олдидан ўз фикрларини билдирди.
“Бу муҳим ўйин. Унда биз ўзимиз қандай ўйнашимиз кераклигини ўйлашимиз, мухлислар талаб қилгандек бўлишимиз керак. Ишонч билан, агрессивлик кўрсата олишимиз лозим. Бу ўйинни сабрсизлик билан кутяпман. Майдонга тушиб, ўзимизни кўрсатишни истаймиз. Табиийки, биз яхши ҳолатда эмасмиз, “Манчестер Юнайтед” эса идеал даражада. Шундай бўлса ҳам, энг яхши ўйинимизни кўрсатишимиз керак. Бу ўйинда қатнашадиган ҳар бир инсон натижа учун жавобгарликни ўз бўйнига олишга мажбур”, — деди Ван Дейк.
Эслатиб ўтамиз, “Ливерпул” — “Манчестер Юнайтед” учрашуви 21:30 да старт олади.
