Мбаппе қизи вафот этган “Нант” футболчисига эсдалик футболкасини совға қилди
Ҳужумчи клуб сафида янги рекорд ўрнатди.
“ПСЖ” ҳужумчиси Килиан Мбаппе ўзининг футболкасини икки ҳафта олдин қизи вафот этган “Нант” футболчиси Игнатиус Ганагога совға қилди. Бу ҳақда “Гоал” нашри хабар берди.
Эслатиб ўтамиз, ҳужумчи Франция чемпионатининг 26-туридан ўрин олган “Нант”га қарши ўйинда, клуб сафидаги 247-учрашувида ўзининг 201-голини киритди ва жамоа учун 200 та гол урган биринчи футболчига айланди. У шу тариқа Эдинсон Каванини ортда қолдирди.
Килиан Мбаппе 2017 йилнинг ёзида “Монако”дан “ПСЖ”га ўтган эди. Футболчининг клуб билан шартномаси 2025 йилгача мўлжалланган.
Мбаппе Франция чемпионатининг жорий мавсумида 22 та ўйинда майдонга тушиб, 18 та гол урди ва 3 та голли узатмага муаллифлик қилган. Шунингдек, у Чемпионлар лигасида 7 та ўйинда 7 та гол урган.
