“ПСЖ”да қайта қуриш давом этади
Парижликлар ёзда Бернарду Силва ва яна 6 нафар футболчини сотиб олмоқчи.
Парижликлар 2023 йилнинг ёзида ўз таркибини кучайтириш учун бир қатор трансферларни амалга оширмоқчи. Бу ҳақда “L'Equipe” нашри хабар бермоқда.
Манбага кўра, дарвозабондан ташқари ҳар бир чизиқни кучайтириш режалаштирилган. Парижликлар ҳимояда “Виляреал” футболчиси Пау Торресни, ярим ҳимояда “ПСВ”дан Иброҳим Цангаре ва Мёнхенгладбахнинг “Боруссия”сидан Коуадио Конени сотиб олмоқчи. “ПСЖ” ҳужумни кучайтириш учун энг жиддий сармояни йўналтирмоқчи. Француз гранди “Манчестер Сити”нинг ҳужумкор ярим ҳимоячиси Бернарду Силва ва “Лион”, “Наполи”, “Бенфика” ҳужумчилари Раян Черки , Виктор Осимҳен ва Гонсало Рамосни сотиб олмоқчи.
“ПСЖ” ушбу мавсумда Чемпионлар лигасидан чиқиб кетди ва турнирнинг 1/8 финалида “Бавария”га имкониятни бой берди.
