“Тоттенҳем” футболчилари собиқ мураббийни қайтаришни илтимос қилишди
Конте эса жамоадан кетади.
“Тоттенҳем” футболчилари Маурисио Почеттинонинг мураббийлик лавозимига қайтишини интиқлик билан кутишмоқда.
“Sky Sports” хабарига кўра, клубда Антонио Конте билан шартнома узайтирилмаслигига ишонч ортиб бормоқда. Лондон жамоаси фахрийлари аргентиналик мутахассис қўл остидаги ўйинни соғиниб, футболчиларнинг ривожланишига етарлича эътибор қаратилмаяпти, деб ҳисоблайди.
Баъзи футболчилар ва клуб ходимлари Почеттинодан имконият туғилганда қайтишини илтимос қилишди. Шу билан бирга, Маурисиога нисбатан илиқ муносабатда бўлишига қарамай, раҳбарият унинг 2019 йилда нима учун ишдан бўшатилганини унутмайди.
50 ёшли Почеттино 2022 йилнинг ёзида “ПСЖ”дан истефога чиқарилган эди. Ўшандан бери аргентиналик машҳур мутахассис ишсиз эди.
