Камтарона уй, қимматбаҳо машиналар ва ҳомийлик шартномалари
Муҳаммад Салоҳнинг умумий бойлиги қанча?
Муҳаммад Салоҳ - профессионал мисрлик футболчи, Англиянинг “Ливерпул” клуби таркибида ўйнайди. Дунёнинг энг яхши ўйинчиларидан бири бўлган Салоҳ чинакам иқтидор ва матонат эгаси ҳисобланади. Европанинг турли клубларида кўп йиллар давомида тўп сўриб юрган вақтлари, Салоҳ ўртамиёна футболчилар қатори эди. Аммо ўз шогирдларига мураббийдан кўра кўпроқ энг яқин дўстидек муносабатда бўлган Юрген Клопп қўли остида Салоҳ Африканинг энг яхши футболчиларидан бирига айланди.
Унинг футболдаги муваффақияти диққатга сазовордир, чунки у “Ливерпул”ни нафақат Европанинг, балки дунёнинг энг яхши клубларидан бирига айланишида муҳим роль ўйнади. Бугунги кунгача Муҳаммад Салоҳнинг соф бойлигига эътибор қаратиш орқали биз унинг муваффақиятли карераси ҳақида сўз юритамиз.
Ёшлик
Спортни яхши кўрадиган оилада туғилган Салоҳ ўзининг қизиқишларини тезда шакллантириб олди. Айниқса, унинг отаси ва амакилари ҳам футболга қизиқарди. Уларнинг футболга бўлган муҳаббатлари шу қадар кучли эдики, ҳатто маҳаллий “Нагриг” клубида ҳам ўйнашган. Салоҳ ёшлигида спортни яхши кўрган бўлсада, унга бир қанча ютуқлар насиб этмаган. У бир неча бор академик имтиҳонларда паст баҳоларни олган. Ўқишда муваффақият қозона олмаслигини билган Салоҳ футбол билан шуғулланишда давом этади. Спортга бўлган муҳаббати уни мунтазам равишда шуғулланишга, шунингдек, маҳаллий турнирларда қатнашишга олиб келади. Унинг футболдаги ютуқлари тезда Мисрнинг “Эл Мокаwлон” клубининг эътиборига тушишига сабаб бўлади.
Карера, ютуқлар ва шартномалар
2010 йилнинг май ойида, “Эл Мокаwлон”нинг ёшлар жамоасида ўйнагандан сўнг, у Миср Премьер-лигасида клубнинг асосий жамоаси сафида иштирок этади. Салоҳ бу ерда икки йил вақтини ўтказади. Шундан сўнг Швейцариянинг “Базел” клубига қўшилади. Ҳужумчи “Базел”да бор йўғи икки мавсум тўп суради. Ҳар икки мавсумда Швейцария Суперлигасида ғалаба қозонади. 2014 йилнинг январида у 11 миллион фунт стерлинг эвазига “Челси”га ўтади. Салоҳ дебют мавсумида “Челси”да атиги учта ўйин ўтказади.
Аммо 2015 йилги мавсумни клуб билан ўтказгандан сўнг, у “Рома”га ижарага берилади. 2016 йилги мавсумни ҳужумчи “Рома”да ижарачи асосида ўтказади. Унинг “Рома”даги ўйини шу қадар ишончли эдики, натижада клубнинг мавсумдаги энг яхши футболчиси совринини қўлга киритади ва “Рома”нинг мавсумдаги энг яхши тўпурари бўлади. 2017 йилнинг июнида Салоҳ 42 миллион евро эвазига “Ливерпул”га ўтди. Унинг “Ливерпул”даги биринчи мавсуми катта муваффақият билан бошланди. Салоҳ яхшиланган формада майдонга тушди ва нафақат чемпионатнинг энг яхши тўпурари, балки Европанинг кучли бешта нуфузли лигаларида ҳам энг яхши тўпурарга айланди. “Ливерпул” лигада ғолиб чиқмаган бўлсада, Салоҳ мавсумнинг энг яхши футболчиси деб топилди. У шунингдек, “Ливерпул”ни 2018 йилги UEFА Чемпионлар Лигаси финалига олиб чиқди, у ерда эса елкасидан жароҳат олиб, 30-дақиқада майдонни тарк этишга мажбур бўлди. “Ливерпул”даги дастлабки икки мавсумида кўрсатган ютуқлари сабаб ҳужумчи 2017 ва 2018 йилларда Африканинг йилнинг энг яхши футболчиси совринига сазовор бўлди. 2019 йилда унинг “Ливерпул”да ажойиб ўйинлари клубга кўплаб муваффақият олиб келди. Жамоа UEFА Суперкубоги ва клублар ўртасидаги жаҳон чемпионати ғолиблигини қўлга киритди.
Муҳаммад Салоҳнинг соф бойлиги
Муҳаммад Салоҳнинг бойлиги 2020 йилда 70 миллион доллар эканлиги айтилди. Бу унинг сўнгги пайтларда қайд этган ажойиб натижалари билан боғлиқ. Агар у ҳозирги формасини давом эттирса ва такомиллаштирса албатта ўз фаолиятини янада яхшилайди ҳамда кўпроқ совринларни қўлга киритади деган тахминлар ҳам бор эди. Бу эса унга нафақат маошини ошириш, балки кўпроқ шартномалар ҳам олиб келади. Бироқ, Салоҳ Премьер-лигадаги айрим футболчиларидан кам маош олади. 2020 йилда 35,1 миллион доллар даромад билан Салаҳ “Форбес” талқинига кўра дунёдаги энг кўп маош олувчи спортчилар рўйхатида 34-ўринни эгаллади. Муҳаммад Салоҳнинг “Ливерпул”даги маоши айни дамда ҳафтасига 200 минг фунт атрофида. Юлдуз футболчининг нархи ҳозирда 150 миллион еврони ташкил этади.
Ҳомийлик шартномалари
Таниқли юлдуз футболчининг ҳомийлар рўйхатига спорт кийимлари ишлаб чиқарувчи компаниялар — “Adidas” ва “Vodafone Egypt” киради. Унинг спортдаги ютуқлари янада кўпроқ шартномаларни имзолашга олиб келмоқда.
Ҳаёт тарзи
Ҳуумчининг бойлиги унинг йиллар давомида меҳнаткашлиги ва чидамлилигидан далолат беради ва шу туфайли у дабдабали ҳаёт кечира олади. Бироқ, у ўз замондошларига нисбатан камтарона турмуш тарзини афзал кўрди. Унинг уйи ҳам оддий тарзда қурилган. Салоҳнинг автомобиль коллекцияси унинг бойлиги ҳақида сўзлайди. Футболчи “Toyota Camry”, “Mercedes-Benz SLS AMG Roadster”, “Lamborghini Aventador”, “Mercedes AMG GLE Coupe”, “Bentley Continental”, “QNUMX GT” ва “QNUM0.0.0.” каби автомобиль турларидан фойдаланади. Уларнинг умумий нархи бир неча миллион еврони ташкил этади.
