Месси Испанияга қайтадими?
“Барса” президенти футболчининг отаси билан учрашди.
“ПСЖ” ҳужумчиси Лионел Месси яқин орада “Барселона”га қайтмайди. Бу ҳақда журналист Гилем Балагуэ хабар берди.
“Барселона” президенти Жоан Лапорта яқинда Мессининг отаси билан учрашди. Аммо ҳозирча Мессига “Барселона”дан ҳеч қандай таклиф йўқ.
Ла Лига ҳар қандай ҳолатда ҳам Мессининг трансферини молиялашга қарши эканлиги маълум қилган. Лиганинг асосий вазифаси “Барселона”нинг 200 миллион долларлик қарзини камайтиришдир.
Эслатиб ўтамиз, 35 ёшли Мессининг “ПСЖ” билан шартномаси жорий мавсум охирида якунига етади. Аргентиналик ҳужумчи 2021 йилдан буён француз клубида ўйнаб келмоқда.
