“Барса” шу ҳафта Бускетсга янги таклиф юборади
Унинг келажаги мавҳумлигича қолмоқда.
“Барселона” яқин орада Серхио Бускетс билан шартномани узайтириш бўйича таклиф билан чиқади.
Бугун футболчининг агенти Хосеп Мария Оробич Каталония клуби раҳбарияти билан учрашиб, футболчининг келажагини муҳокама қилди. Бускетснинг амалдаги шартномаси жорий мавсум охиригача амал қилади.
Ярим ҳимоячи МLS ва Саудия Арабистони клубларидан таклифлар бўлишига қарамай, яна бир мавсум “Барса”да қолмоқчи. У клубдан аниқ таклиф олмагунча, келажаги ҳақида қарор қабул қилмайди.
“Мундо Депортиво” нашрининг хабарига кўра, клуб унга ушбу таклифни шу ҳафта жўнатишга ваъда берган.
Бускетс Ла Лиганинг жорий мавсумида 21 ўйинда 3 та голли узатмани амалга оширди.
