Погбанинг жароҳати туринликларни ғазаблантирмоқда
Футболчи уч ҳафтага сафдан чиққан.
“Ювентус” Пол Погбанинг тез-тез жароҳатланишидан норози. Эслатиб ўтамиз, туринликлар ярим ҳимоячиси машғулотларда мушакларидан жароҳат олган эди. У уч ҳафтага сафдан чиққани хабар қилинган.
“Ла Газзетта делло Спорт” нашрининг хабарига кўра, франциялик футболчи бир ойдан кейин майдонга қайтиши мумкин.
Ярим ҳимоячининг жароҳати билан боғлиқ вазият клуб раҳбариятини хавотирга солмоқда ва ғазаблантирмоқда. Агар мавсум охиригача бу ўзгармаса ёзда “Юве” вакиллари Погба билан ҳамкорликни давом эттириш истиқболларини муҳокама қилишлари мумкин.
