“Бутунлай бошқача мамлакатни кўрмоқдаман”
Волкер Турк Ўзбекистондаги ўзгаришлар ҳақида гапирди.
БМТ Инсон ҳуқуқлари бўйича Бош комиссари Волкер Турк Ўзбекистондаги ўзгаришлар ҳақида гапириб, бошқа давлатларни ҳам мамлакатдан ўрнак олишга чақирди.
“Ўзбекистоннинг тарихи ранг-баранг ва бой, ва айни пайтда мураккабдир. Мен бу ўлкага ўтган гал Совет Иттифоқидан энди мустақилликка эришгандан сўнг кўп ўтмай ташриф буюрганман ва бугун мен ўша пайтдагидан бутунлай бошқача мамлакатни кўрмоқдаман. Тошкентда атрофингизга назар ташлаш кифоя.
Бугун мен имкониятларга тўла, жўшқин мамлакатни кўрмоқдаман.
Ўзбекистонга мерос бўлиб қолган сиёсий тузилмалар инсон ҳуқуқларини эътиборга олмаган. Сўнгги олти йил ичида бу тубдан ўзгарди. Президент ташаббуси билан амалга оширилаетган ислоҳотлар кенг кўламли соҳаларда муҳим ҳуқуқий ислоҳотларни ўз ичига олди: пахта далаларида мажбурий меҳнатга барҳам бериш; 76 000 дан ортиқ аввал фуқаролиги бўлмаган шахсларга фуқаролик бериш; Сурия ва бошқа ерлардаги лагерлардан 500 дан ортиқ аёл ва болаларнинг қайтариб, олиб келиш ва қайта интеграциясини таъминлаш. Мен бошқа давлатларни ҳам ўрнак олишга чақираман”, — дейди у.
