Кобелга иккита АПЛ жамоаси қизиқмоқда
Улардан бири аллақачон дарвозабонга таклиф билан чиққан.
Дортмунднинг "Боруссия" клуби ва Швейцария терма жамоаси дарвозабони Грегор Кобел Англия премер-лигасининг икки клуби эътиборини тортди.
"Спорт1.де нашрининг хабарига кўра, “Манчестер Юнайтед” ва “Челси” ўз дарвозаси чизиғини кучайтириш ва Кобелни мос вариант сифатида кўриш ниятида. Ҳар икки клуб ҳам 25 ёшли дарвозабонни кейинги бир неча йил ичида биринчи рақамли футболчи сифатида кўрмоқда.
“Манчестер Юнайтед” Давид де Хеа билан шартномани узайтириш борасида музокаралар олиб бораётганига қарамай, янги дарвозабон изламоқда. Испаниялик футболчи клубда қолиш учун маошини камайтиришга рози бўлди, бироқ мураббийлар штаби клубга бошқа дарвозабон керак деб ҳисоблайди.
Манбанинг хабарига кўра, “Челси” вакиллари Кобелнинг агенти билан аллақачон учрашиб бўлган, чунки клуб ўз таркибидаги дарвозабонларга ишончи комил эмас.
Кобел Дортмунд жамоасида 2021 йилдан буён ўйнаб келмоқда. Томонлар ўртасидаги келишув 2026 йилнинг ёзига қадар мўлжалланган.
