Рамос МLS’дан таклиф олган
“ПСЖ” эса футболчини сақлаб қолмоқчи.
“ПСЖ” Серхио Рамосни жамоада олиб қолишга ҳаракат қилмоқда. Испаниялик ҳимоячининг парижликлар билан шартномаси келаси ёзда тугайди ва футболчида Американинг МLS лигасидан таклиф бор. Бироқ, “ПСЖ” Рамосга янги ҳамкорлик таклифи билан чиқишни режалаштирмоқда. Бу ҳақда “Спорт.эс” нашри хабар берди.
Қайд этилишича, 36 ёшли испаниялик футболчи сўнгги пайтларда ўз ўйини билан раҳбарият ва мураббийлар штабини ишонтирмоқда. Бундан ташқари, Рамос камроқ жароҳат ола бошлади, бу эса унга барқарор ўйнаш имконини беради. Энди парижликлар Серхиони қўйиб юборишни исташмаяпти.
36 ёшли Рамос парижликлар сафида 2021 йилдан буён ўйнаб келмоқда. Умуман олганда, испаниялик футболчи “ПСЖ” сафида 46 та ўйин ўтказиб, 4та гол урди ва битта голли узатмани амалга оширди. Аввалроқ ОАВда “Ал-Наср”нинг унга қизиқиш билдираётгани ҳақида маълумотлар пайдо бўлганди.
