Анчелотти “Реал”нинг ЕЧЛдаги имкониятини баҳолади
Мураббий рақиб жамоаларнинг натижаларини мақтади.
“Реал Мадрид” бош мураббийи Карло Анчелотти Чемпионлар лигасининг жорий мавсум фаворити ҳақидаги саволга жавоб берди.
“Наполи” яхши ҳаракат қилмоқда, ҳаммаси чемпионатда ҳал бўлади. Ҳамма бор эътиборини Чемпионлар лигасига қаратган. Чемпионлар лигаси фаворити ким? “Манчестер Сити” кеча 7 та гол урди. Чемпионлар лигасида ғалаба қозониш учун имкониятимиз бор. Бунинг учун эса рақибларни мағлуб этиш керак”, — дея Анчелоттининг сўзларидан “Скй Спортс” нашри иқтибос келтирди.
Эслатиб ўтамиз, 1/8 финалда “Реал Мадрид” “Ливерпул”ни умумий 6:2 ҳисобида мағлуб этди.
Эртага Чемпионлар лигасининг чорак финалига қуръа ташлаш маросими бўлиб ўтади.
