Ўзбекистон Осиё кубоги чемпиони бўлди
Ўйин 1:0 ҳисобида ғалаба билан якунланди.
Тошкентда ўтаётган 20 ёшгача бўлган ёшлар ўртасидаги Осиё Кубогининг финал ўйинида Ўзбекистон терма жамоаси Ироққа қарши майдонга тушди. Унда ўзбекистонликлар кичик 1:0 ҳисобида рақибдан устун келди ва турнир ғолибига айланди.
Ягона гол терма жамоа сардори Умарали Раҳмоналиев номига қайд этилди. У 11 метрлик нуқтада хатога йўл қўймади.
Шу тариқа, жамоа Осиё кубогида чемпионликни расмийлаштирди. Ироқ термаси кумуш медалларга эга чиққан бўлса, Япония ва Жанубий Корея термалари бронза медалларига сазовор бўлди.
