“Бавария” Нагелсманни истеъфога чиқарди
Унинг ўрнига номзод бор.
“Бавария” бош мураббийи Юлиан Нагелсманн Мюнхен клуби бош мураббийлигидан озод этилди. Бу ҳақда инсайдер Фабрицио Романо ижтимоий тармоқдаги саҳифасида хабар берди. “Бавария”нинг амалдаги мураббийи ўрнига асосий номзод Лондоннинг “Челси” ва Франциянинг “ПСЖ” клуби собиқ бош мураббийи Томас Тухел ҳисобланади.
“Бавария” Бундеслигада чемпионлик, Германия кубоги ва Чемпионлар лигасида ғолиблик учун курашни давом эттирмоқда. Бундеслигада “Бавария” 52 очко билан пешқадам “Боруссия Дортмунд”дан бир очко ортда қолган ҳолда иккинчи ўринда бормоқда. Мамлакат кубогида “Бавария” чорак финалга чиқди, у ерда 4 апрель куни “Фрайбург” билан ўйнайди. Чемпионлар лигасида ҳам клуб чорак финал босқичига чиқди ва у ерда “Манчестер Сити” билан баҳс олиб боради.
