“Эл-Класико” аввалги шиддат ва ҳаяжонини йўқотган”
Ўзил Испаниядаги хотиралари билан ўртоқлашди.
Яқинда профессионал футболдаги фаолиятини якунлаганини эълон қилган Германия ва “Реал”нинг собиқ футболчиси Месут Ўзил Испаниядаги фаолияти ҳақида фикр билдирди.
“Ўйлашимча, мен “Эл-Класико”нинг энг яхши даврини, “Реал” ва “Барса” ўртасидаги энг яхши ўйинларни, Чемпионлар Лигаси ярим финалини кўрдим. Моуринё Гвардиолага қарши, Роналду эса Мессига қарши. Жуда ажойиб. Энди “Эл-Класико” шиддати ва ҳаяжонини йўқотди. 2010 йилда “Барса”га 0:5 ҳисобида мағлуб бўлиш майдондаги энг ёмон тушларимдан бири. Мен кўп ўйин ўтказдим, кўплаб дербиларда иштирок этдим, лекин менимча, ҳеч қачон “Эл-Класико”га ўхшаган нарса энди қайтмайди”, - дея Ўзилнинг сўзларидан “Марcа” нашри иқтибос келтирди.
Эслатиб ўтамиз, Месут Ўзил 21 ёшида “Вердер”дан 15 миллион евро эвазига “Реал”га ўтганди. Немис ярим ҳимоячиси Испанияда учта совринни қўлга киритди: чемпионат олтин медали (2012), кубок (2011) ва суперкубок (2012).
