“ПСЖ” таваккал қилмоқчи эмас
Жамоа Месси ва Мбаппе Парижда олиб қолишга ҳаракат қилмоқда.
“ПСЖ” президенти Носир Ал-Хелайфи жамоаси етакчилари Килиан Мбаппе ва Лионел Месси ҳамда ҳимоячи Серхио Рамоснинг шартномаларини узайтириш борасидаги вазият ҳақида гапирди. Функционернинг айтишича, парижликлар хатога йўл қўймаслик учун бу масалага эҳтиёткорлик билан ёндашади.
“Биз Мбаппе, Месси ва Рамосни жамоада сақлаб қолиш учун ишлаяпмиз. Биз нима қилаётганимизни тушуниш ва давом этишимиз мумкинлигига ишонч ҳосил қилиш учун ишимизни кўриб чиқамиз. Бу учликдан ташқари, биз ёшларга ва келажагимиз боғлиқ бўлган истеъдодларга эътибор қаратишимиз керак. Клубда айнан мана шу нарсани ўзгартирмоқдамиз”, - деди Ал-Хелайфи.
Эслатиб ўтамиз, Месси ва Рамоснинг шартномалари мавсум охирида тугайди. Мбаппенинг келишуви 2025 йилгача мўлжалланган.
