Немис клубидан “ҳайдалган” мураббийни “шпорлар” ишга олмоқчи
У билан май ойида шартнома имзоланади.
“Бавария”нинг собиқ бош мураббийи Юлиан Нагелсманн мавсум охирида “Тоттенҳем”ни бошқариши мумкин.
Журналист Ян Абраҳамснинг фикрича, 35 ёшли германиялик мураббий “шпорлар” бош мураббийи лавозими учун фаворит бўлиб турибди, унинг ўрнини май ойининг охиригача Кристиан Стеллини эгаллаб туради.
Кеча Антонио Конте истеъфога чиқарилганидан сўнг Стеллини вақтинча “Тоттенҳем”ни бошқариши маълум қилинганди. Шу ҳафта бошида Нагелсманн “Бавария”дан ишдан бўшатилганди.
Эслатиб ўтамиз, 28 ўйиндан сўнг “Тоттенҳем” АПЛ турнир жадвалида 4-ўринда бормоқда.
