Фергюсон ва Венгер Премьер-лига шон-шараф залига киритилди
Унда икки собиқ мураббийдан ташқари 16 нафар футболчи жой олган.
Алекс Фергюсон ва Арсен Венгер Премьер-лига Шон-шараф залига киритилди. “Манчестер Юнайтед”нинг собиқ бош мураббийи ва собиқ “Арсенал” мураббийи 2023 йилда Англия лигаси шон-шуҳрат залига киритилган биринчи инсонлар бўлди.
Премьер-лига шон-шараф зали 2021 йилда ташкил этилган. Фергюсон ва Венгердан ташқари унинг таркибидан Алан Ширер, Терри Анри, Эрик Кантона, Рой Кин, Френк Лемпард, Деннис Бергкамп, Стивен Жеррард, Девид Бекхем, Пол Скоулз, Диде Дрогба, Винсент Компани, Серхио Агуэро, Патрик Виейра, Уэйн Руни, Иан Райт ва Питер Шмейхел жой олган.
Фергюсон 1986 йилдан 2013 йилгача “Манчестер Юнайтед”ни бошқарган. Унинг қўл остида клуб 13 марта Англия чемпиони бўлган, жами 38 та совринни қўлга киритган.
Венгер 1996 йилдан 2018 йилгача “Арсенал”да бош мураббий сифатида ишлаган. Лондон жамоаси билан у Англияда уч марта чемпионликни қўлга киритди ва яна 14 та соврин соҳиби бўлди.
