Амрабат учун кураш жиддий
Топ клублар футболчини сотиб олишга ҳаракат қилишмоқда.
Софян Амрабат ҳамон Европа топ-клубларининг қизиқиш доирасида бўлиб турибди. “Фиорентина” ярим ҳимоячисини сотиб олиш имконияти “Атлетико” томонидан кўриб чиқилмоқда, 26 ёшли Марокаш терма жамоаси футболчисининг ўзи эса Ла Лигага ўтишга қарши эмас, шунингдек у “Барселона”га ўтишни ҳам мақсад қилгандир дейилади хабарларда.
Манбага кўра, январь ойида каталонияликлар Амрабатни сотиб олиш опцияси билан ижарага олмоқчи бўлган, бироқ раҳбарият бунга рози бўлмаган.
Бундан ташқари, бир неча ҳафта олдин “ПСЖ” ярим ҳимоячига таклиф билан чиққан эди. аммо Амрабат фаолиятини Лига 1да давом эттиришдан манфаатдор эмас.
Қолаверса, қишда футболчига “Ливерпул” ва “Тоттенхем” клублари қизиқиш билдирганди.
