Серхио Рамосга йилига 50 миллион евролик шартнома таклиф қилинди
Футболчи “ПСЖ”да 10 миллион евро маош олади.
“ПСЖ” ҳимоячиси Серхио Рамос Саудия Арабистони клубида ўйнаса, маоши ошиши мумкин. “L'Equipe” нашри хабарига кўра, 30 миллион евро бу футболчи учун Саудиянинг “Ал-Ҳилол” клубининг бошланғич таклифидир. Уни 50 миллион еврогача ошириш мумкин. Испаниялик футболчи “ПСЖ”да йилига 10 миллион евродан кам маош олади, солиқлар тўламаган ҳолда. Парижликлар эса янги шартнома бўйича музокаралар чоғида маошларни камайтиришга ҳаракат қилишмоқда.
Жорий мавсумда Рамос “ПСЖ” сафида барча турнирлар доирасида 36 та ўйинда майдонга тушиб, 2 та гол урди ва битта голли узатмани амалга оширди.
Эслатиб ўтамиз, “ПСЖ” 66 очко жамғариб, Франция чемпионати турнир жадвалида биринчи ўринда бормоқда. Парижликлар жамоаси Чемпионлар лигасини 1/8 финал босқичида тарк этди.
