Тухел немис жамоасида бир қатор ўзгаришларга қўл уриш арафасида
Жамоага биринчи навбатда кучли ҳужумчи керак.
“Бавария” ёзда таркибда жиддий ўзгаришлар қилишни режалаштирмаяпти. “Спорт1” журналисти Керри Хоунинг сўзларига кўра, клуб асосий эътиборини марказий ҳужумчи билан шартнома имзолашга қаратади. Асосий номзодлар орасида Ҳарри Кейн (“Тоттенҳем”), Виктор Осимхен (“Наполи”) ва Рандал Коло-Муани (“Айнтрахт”) бор. Танлов асосан битимнинг молиявий томони билан белгиланади. Агар “Бавария” ҳужумкор ўйинчилардан бирини сотишга қарор қилса, у ҳолда биринчи вариант Серж Гнабри бўлади. Унинг келажаги бош мураббий Томас Тухел футболчини формага қайтара олишига боғлиқ бўлади. Яна бир эҳтимолий трансфер “Манчестер Юнайтед”да ижара асосида ўйнаётган Марсел Сабитзер бўлиб, уни сотиш тўғрисида қарор аллақачон қабул қилинган.
