“У доим клуб афсонаси бўлиб қолади”
Руни Роналду ҳақида гапирди.
“Манчестер Юнайтед”нинг собиқ ҳужумчиси, “Ди Си Юнайтед”нинг амалдаги бош мураббийи Уэйн Руни португалиялик ҳужумчи Криштиану Роналду ҳақида фикр билдирди.
“Роналдунинг “Манчестер Юнайтед” учун қилган ишлари ажойиб. Ва у Премьер-лига чемпионлигини қўлга киритди, Чемпионлар лигасида ғолиб чиқди, кўплаб голлар урди. Шундай экан, мухлислар, футболчилар, айниқса, менинг давримда у билан бирга ўйнаган собиқ жамоадошлари, Роналдунинг “Манчестер Юнайтед” учун қилган ишларини ҳеч қачон унутмайди, деб ўйлайман. Чунки менинг назаримда у ҳамиша клуб афсонаси бўлиб қолади”, — деди Руни.
Эслатиб ўтамиз, Роналду 2022 йилнинг ноябрида “Манчестер Юнайтед”ни тарк этганди. Кейинроқ ҳужумчи “Ан-Наср” билан шартнома имзолади.
