“Премьер-лига жуда қийин лига”
“Челси”га яқинда келиб қўшилган Энсо Фернандес Англия чемпионатига баҳо берди.
“Челси” ярим ҳимоячиси Энсо Фернандес Англия премьер-лигасига мослашиш жараёни ҳақида гапириб, Англия чемпионати аргентиналик футболчи аввал тўп сурган Португалия чемпионатидан анча қийин эканлигини айтди.
“Премьер-лига жуда қийин лига. Мен Португалия чемпионатидан келганман, у ерда сиз кўпроқ тўп билан ўйнайсиз. Бу ерда ўйин кўпроқ тезлик ва жисмоний кучга қаратилган, шунинг учун мен унга аста-секин мослашяпман. Бу бироз вақт талаб қилишини тушунаман, лекин мослашиш тезроқ бўлиши учун жамоадошларим ва мураббийлар штаби мени қўллаб-қувватламоқда”, — дея Фернандеснинг сўзларидан “Челси” матбуот хизмати иқтибос келтирди.
Эслатиб ўтамиз, Фернандес “Челси” сафида барча мусобақаларда 11 та ўйинда майдонга тушиб, 2 та голли узатмани амалга оширган.
