“Ливерпул” “пойга”дан чиқди
Бунга клубнинг молиявий имкониятлари сабаб бўлган.
“Ливерпул” Дортмунднинг “Боруссия” клуби ярим ҳимоячиси Жуд Беллингем учун курашдан чиқди.
“The Telegraph” нашрининг хабарига кўра, инглиз клуби ярим ҳимоячининг нархи туфайли энди уни сотиб олишни режалаштирмаяпти. Трансфер 120 миллион евродан кўпроқни ташкил қилади. Бу жамоа ёзги бюджетининг катта қисмини ташкил қилади.
Бунинг ўрнига “Ливерпул” ҳар бир чизиқни кучайтиришга эътибор қаратади. Бош мураббий Юрген Клопп раҳбариятнинг қарорини қўллаб-қувватламоқда. Немис мутахассиси таркибни кучайтириш бўйича олиб борилаётган ишлар натижалари имкон қадар тезроқ кўринишини истамоқда ва шунинг учун менежерлар Бундеслига футболчиси учун узоқ давом этадиган курашда қатнашишни истамаяпти.
Олдинроқ Беллингемга “Манчестер Юнайтед”, “Манчестер Сити”, “ПСЖ”, “Реал” ва “Челси” клублари қизиқиш билдираётгани маълум бўлганди.
