Фати “Барса”дан кетишга яқин турибди
Футболчининг отаси клубдан норози.
Ҳужумчи Ансу Фати “Барселона”ни тарк этишга яқин турибди. “АS” нашрининг хабарига кўра, “Барселона” раҳбарияти Ансу Фатининг отаси берган оммавий баёнотлардан норози. У аввалроқ “Барселона”дан норози эканлигини ва Ансу клубни тарк этгани маъқул, деб ҳисоблаган, чунки футболчи кўпроқ ўйин ўтказишга лойиқ эканини айтганди.
Қайд этилишича, Фатининг агенти Хорхе Мендесдан товон пули камида 40 миллион евро бўлган футболчи бўйича таклиф излаш сўралган.
Эслатиб ўтамиз, Ансу Фати “Барселона” тарбияланувчиси ҳисобланади. У 9 ёшидан бери жамоа таркибида. Ҳужумчи жорий мавсумда 40 ўйинда 7 та гол урди ва 3 та голли узатмани амалга оширди. Томонлар ўртасидаги келишув 2027 йилнинг ёзига қадар мўлжалланган.
