“Ливерпул” 130 миллион евролик таклиф тайёрламоқда
Клуб “Наполи” футболчисига қизиқмоқда.
“Ливерпул” “Наполи” вингери Хвича Кваратсхелияни ўз сафига қўшиб олмоқчи.
Хабарларга кўра, инглиз клуби 22 ёшли грузиялик футболчи учун ёзги трансфер ойнасида 130 миллион евро таклиф қилишга тайёр. “Ливерпул” ёмон мавсумдан кейин катта қайта қуришни режалаштирмоқда.
22 ёшли Кваратсхелия 2022 йилнинг ёзида “Наполи”га кўчиб ўтганди. Илгари у Россия Премьер-лигасида ўйнаб, Москванинг “Локомотив” ва Қозоннинг “Рубин” клублари шарафини ҳимоя қилган. Италия чемпионатининг жорий мавсумида Хвича 24 учрашувда 12 та гол урди ва 12 та голли узатмани амалга оширди. “Наполи” чемпионат якунланишига 10 тур қолганида 71 очко билан А Cерия турнир жадвалида пешқадамлик қилмоқда ва энг яқин таъқибчиси “Лацио”дан 16 очко фарқ билан олдинда бормоқда.
Трансфермаркт портали футболчининг нархини 85 миллион еврога баҳолаган.
