“Реал” Чемпионлар лигаси қироли”
Анчелотти “Челси”га қарши баҳс ҳақида гапирди.
Карло Анчелотти “Челси”га қарши ўйин олдидан “Реал”нинг Чемпионлар Лигасидаги рекордини юқори баҳолади.
“Биз ҳар доимгидек яхши ҳолатдамиз, мотивацияга тўламиз. Бизни жуда муҳим мусобақада муҳим баҳс кутмоқда. Мукаммал ўйин ўтказиш ҳақида ўйлаяпмиз. 90 дақиқада ҳамма нарса содир бўлиши мумкин. Бор кучимиз билан ўйнашга тайёр бўламиз. Бу клубда нима қилиш кераклиги аниқ ифодаланади: ҳар доим ғалаба қозониш. Охиригача курашинг ва бор кучингизни беринг. Агар яна яримфиналга чиқсак, демак, кўп меҳнат қилдик. Тарихнинг айтишича, “Реал” — бу турнир қироли, биз эса унинг кичик бир қисмимиз. Бу клуб Чемпионлар Лигасида ҳукмронлик қилмоқда, 14 та кубок қўлга киритилди, биз ҳам навбатдаги ғалаба билан ўз вазифамизни бажаришга ҳаракат қиляпмиз”, — дея “Реал” бош мураббийининг сўзларини келтиради клуб расмий сайти.
