“Барселона”дан яна бир юриш
Клуб ёзда Алехандер-Арнолдни арзон нархда сотиб олмоқчи.
“Барселона” “Ливерпул” ҳимоячиси Трент Алехандер-Арнолдни яқинлашиб келаётган трансфер ойнасида ўз сафига қўшиб олмоқчи.
“Team Talk” нашрига таяниб хабар беришича, Каталония клуби бош мураббийи Хави аллақачон “Барселона” президенти Жоан Лапортга футболчини қўлга киритишни сўраб мурожаат қилган. Мураббий орзу қилган номзодлардан бири Александр-Арнолд. “Барселона” “Ливерпул”нинг 2023/2024 йилги еврокубоклар мавсумини ўтказиб юборишига умид қилмоқда, бу эса каталонияликларга ўйинчини арзонлаштирилган нархда сотиб олишга ёрдам беради.
Эслатиб ўтамиз, 24 ёшли ҳимоячи жорий мавсумда барча турнирларда 39 та ўйинда майдонга тушиб, 3 та гол урди ва 6 та голли узатмани амалга оширди. Унинг “Ливерпул” билан шартномаси 2025 йилнинг ёзига қадар мўлжалланган. Трансфермаркт футболчининг нархини 65 миллион еврога баҳоламоқда.
