“Ҳимояда биз жуда муносиб савияни кўрсатдик”
Анчелотти “Челси” устидан қозонилган ғалаба ҳақида фикр билдирди.
Мадриднинг “Реал” клуби бош мураббийи Карло Анчелотти “Челси”га қарши (2:0) ЕЧЛ 1/4 финал жавоб учрашувида шогирдларининг ғалабаси ҳақида фикр билдирди.
“Бундай учрашувда чидашимиз кераклигини билардик. Рақиб ҳамма нарсани синаб кўрди, у бизга, айниқса, чап қанотда муаммолар яратди, аммо шундан сўнг биз тузатишлар киритдик. Ҳимояда биз жуда муносиб савияни кўрсатдик. Куртуа муҳим сейвни амалга оширди, уларсиз “Челси” олдинга чиқиб олган бўларди. Иккинчи бўлимда биз ўйинни яхшироқ назорат қилдик, қарши ҳужумларда кўпроқ ҳудудга эга бўлдик, шунинг учун иккита гол уришга муваффақ бўлдик. Лекин “Милан” учун хурсандман, улар анчадан бери ярим финалда ўйнамади. “Наполи”га эса ачинаман, бу клуб мен учун ҳам қадрли”, — дея Анчелоттининг сўзларидан “Маrca” нашри иқтибос келтирди.
