Суперклуб “Барса” юлдузидан воз кечди
Жамоа Англиядан футболчи оладиган бўлди.
Жорий мавсумда мухлислари ишончини оқлай олмаган «Челси» ёзда таркибда жиддий ўзгаришлар қилиши кутилмоқда. Аввалроқ Англия матбуоти «аристократлар» мавсум якунланиши билан «Барселона» тарбиялаган юлдузлардан Гавини трансфер қилиши ҳақида маълумотлар тарқатилганди. Таниқли журналист Бен Жейкобснинг ёзишича, лондонликлар бу вариантдан воз кечишга қарор қилган.
Гавининг ўзи ҳам ҳали бошқа чемпионатларда тўп тепишга тайёр эмас. Ёш ярим ҳимоячи фаолиятини Каталония клубида давом эттиришни маъқул кўрмоқда.
«Челси» майдон марказини мустаҳкамлаш учун Англия Премьер-лигасида ўйнаш бўйича катта тажриба тўплаган ўйинчиларга таянади. Улар ёзда “Вест Хем” етакчиси Деклан Райс ва “Брайтон” вакили Мойсес Кайседони олиб келмоқчи.
Ҳар икки ўйинчи қимматбаҳо футболчилар тоифасига киради. Уларни олиш учун «Челси» яхшигина харажат қилиши керак.
