“Челси” Почеттино билан келишувга эришди
Аргентиналик мураббий мавсум якунлангач, “Челси” бош мураббийи сифатида иш бошлайди.
“Челси” клуби раҳбарияти ва Маурисио Почеттино ўртасида ўтказилган музокаралар ижойиб якунланди. Бу ҳақда “Sky Sports” нашри хабар бермоқда.
Манба хабарига кўра, Лондон клуби Почеттино билан келишувга эришилгани ҳақида кейинги ҳафтада расман эълон қилиши кутилмоқда. Аргентиналик мураббий мавсум якунлангач, “Челси” бош мураббийи сифатида иш бошлайди.
51 ёшли мутахассиснинг сўнгги иш жойи “ПСЖ” клуби бўлиб, у 2022 йилнинг ёзида Франция клуби билан хайрлашганди. Почеттино бунгача “Тоттенҳем”, “Саутҳемптон” ва “Эспанёл” клубларини ҳам бошқарган.
Эслатиб ўтамиз, бир ой аввал Грем Поттер “Челси”дан истеъфога чиқарилгач Френк Лемпард бош мураббий вазифасини бажарувчи этиб тайинланганди. Жамоа унинг қўл остидаги 4 ўйиннинг барчасида мағлубиятга учради.
