“Ювентус”ни тарк этиши мумкин бўлган футболчилар
Улар орасида 8 нафар ўйинчи бор.
Ёзги трансфер ойнасида “Ювентус” клубини тарк этиши мумкин бўлган футболчилар номи маълум бўлди. Улар орасида кимдир жанжал учун ҳайдалаётган бўлса, кимдир рақобат туфайли жамоани тарк этиши мумкин.
Леандро Паредес (Аргентина, ярим ҳимоячи, 28 ёш)
Раҳбарият Паредеснинг ўйинидан норози, шунинг учун итальян клуби уни “ПСЖ”дан сотиб олмайди. Леандро Францияга қайтади ва у ерда унинг тақдири ниҳоят ҳал қилинади.
Анхел Ди Мария (Аргентина, вингер, 35 ёш)
Аммо Ди Марияда ҳали ҳам “Ювентус”да қолиш имконияти бор. Журналистларнинг фикрича, футболчи шартномани бир йилга узайтириши мумкин, бироқ бу ҳали амалга ошгани йўқ.
Войсех Шесний (Полша, дарвозабон, 33 ёш)
Сўнгги пайтларда Шеснийнинг соғлиғи билан боғлиқ муаммолар тобора кучайиб бормоқда, шунинг учун италияликлар уни Марко Карнесекки ёки Гуглиелмо Викарио билан алмаштирмоқчи. Войтсехнинг ўзи “Тоттенҳем” клубининг қизиқишлари доирасида бўлиб турибди.
Душан Влаҳович (Сербия, ҳужумчи, 23 ёш)
Душан Влаҳович Туринда қоладими? Бу катта интрига. Жамоа футболчига умид боғлаётган бўлсада, Душан ҳам “Арсенал”нинг асосий трансфер мақсадига айланди. Аммо унинг учун курашга “Реал” ҳам қўшилиши кутилмоқда.
Уэстон Маккенни (АҚШ, ярим ҳимоячи, 24 ёш)
Маккенни йил бошида “Лидс” жамоасига ижарага берилди, унинг шартномаси мавсум охиригача давом етади. Агар инглизлар уни бонуслар билан бирга 33 миллион еврога сотиб олишга қарор қилсалар, Уэстон Италияга қайтмайди.
Адриен Рабио (Франция, ярим ҳимоячи, 28 ёш)
Рабио “Юве”ни тарк этиб, “ПСЖ”га қайтиши ҳақидаги миш-мишлар тобора кучайиб бормоқда. Бироқ Адриенга Англиянинг бир қатор клублари – “Тоттенҳем”, “Ливерпул” ва “Манчестер Юнайтед” ҳам қизиқиш билдирган.
Алекс Сандро (Бразилия, ҳимоячи, 32 ёш)
Сандро ҳам кейинги мавсумдан “Ювентус”нинг асосий таркибидан жой олмаслиги мумкин. Клуб ёзда футболчини сотишга тайёр. А Cериянинг ушбу мавсумида футболчи 22 та ўйин ўтказди ва битта голли узатмани амалга оширди.
Хуан Куадрадо (Колумбия, ярим ҳимоячи, 34 ёш)
Куадрадо раҳбарият билан ҳам алоқани йўқотди ва яқинда Италия кубоги ярим финалида “Интер” билан ўйинда муштлашув сабаб ўчаётган оловга қайта ёғ қуйди. Футболчи “Ал-Наср”га ўтиши мумкин.
